Thursday, December 3, 2015

*Хайртай үнэхээр их* гэхдээ

*Хайртай үнэхээр их* гэхдээ 
Харамлаж чадахгүй бусдаас 
Давтагдашгүй энэ гоо үзэсгэлэнг чинь
Даанч би ганцаар өмчилж дийлэхгүй... 
Бурхнаас чамд өгсөн энэ их хүндэтгэлийг 
Бусадтай хуваалцахгүйгээр би дааж чадахгүй
Бусдын зүрхийг ч бас хайраараа дулаацуулж 
Бусдын уруулыг ч бас үнсэлтээрээ төөнөөрэй 
Хэн нэгэн чамайг надаас илүү хайрлах цагт 
Хэзээ ч битгий намайг өрөвдөж санагалзаарай
Гоо үзэсгэлэн төгс төгөлдөр чамайг 
Гомдол харамсалаар үдэхийг би хүсэхгүй
Эс тэгвэл бурхны өмнө гэмтэн болж 
Эцэс төгсгөлгүй нүгэлд унана 
Харин үзэсгэлэнг чинь би хэзээ ч мартахгүй 
Хайрлаж явсандаа л хангалуун үлдэнэ сэтгэл минь... 2012.04.28

No comments:

Post a Comment