Зам гуниг хоёр

Гунигт аялгуу хаа нэгтэйгээс... 
Сарны туяа - харанхуй гудамж 
Надаас өөр хүнгүй ... 
Чихээрээ харж 
Нүдээрээ сонссон 
Сарны сонат лав биш ... 
Энэ бол сэтгэлийг минь 
Хөглөж өгсөн чиний 
Гайхамшигт аялгууны 
Төгсгөлийн блюз ... 
Төгсгөл нь яг л 
Пикассогийн цэнхэр үе шиг 
Хайр гэгч нь хагацал болж 
Харанхуйд цэнхэртэн уусах мэт... 
Цааш алхах замыг 
Нааш ирэх гунигтай минь 
Сарны цэнхэр туяа 
Сүлж орхих мэт 
Зам гуниг хоёр 
Намайг хөтлөнө... 2013.04.21