Хаалга цонхгүй , гэрэлтэй өрөөнд

Эрх чөлөө ...

2009-04-28 16:50:47

Хаалга цонхгүй , гэрэлтэй өрөөнд

Хана ширтэн сууна

Хачин их эрх чөлөө

Хаа нэгтээгээс үнэртэнэ...

Өрөөний голын ганц сандал дээрээс

Өөрийгөө харна... бас өрөөгөө харна ...  

Нүүр нь хагарсан нугасгүй , гар утас

Нүүрээ харж чадахгүй  хагархай толь

Үүрээр унших дуртай . "...."-н  шүлгийн ном

Үлдсэн бусад нь бүгд  хог новш

Элдвийн хог новш дундах эрх чөлөө

Жинхэнэ эрх чөлөө...

Нийгэм рүү шагайхгүй , мөнгө рүү сарвайхгүй ...

Тийм эрх чөлөө...

Хэн нэгнийг хүлээхгүй , хайрлахгүй

Тийм эрх чөлөө ...

Шувуудыг дагаж нисэхгүй

Тийм эрх чөлөө...

Бурхдын зиндаанд хэтэрхий ойртох

Тийм эрх чөлөө...