Тэнгисээс тэр дуу сонстоно...

"Зүрх сэтгэлд давалгаалж буй тэнгисийн зүг рүү

Зүүд хөлөглөн очвоос....  "

Тэнгисээс тэр дуу сонстоно... 

Хүчит давалгаан шуугиантай , сүсэлдсэн

Хэн нэгний гэгэлхэн, бас гунигтай дуу...

Тэр дууг сонсох гэж

Тэнгисийн зүг шөнө бүр тэмүүлнэ ...

Эрэг дээр нь очоод санаа алдмагц

Эрчит давалгаа , шуугиад л ирдэг...

Тэр давалгаан дууны цаана

Өнөөх  гунигт дуу уянгална...

Тэр дууны уянгыг тийм гэхийн аргагүй ч

Сонсоод л ирмэгч өөрийн эрхгүй

Гуниглаад бас гэгэлзээд л эхэлдэг

Тэр дууны уянгыг тааж ядан мэдэрвээс...

Хэзээ  ч билээ хэн нэгний

Догдлолоор дүүрэн дурлалыг дутуу орхисон юм шиг

Гэгэлхэн...

Хэнд ч билээ хайр гэж амалчихаад

Хагацалаар дуусгасан он жилүүд шиг

Гунигтай ...  

2009-03-31