Нойрсож буй түүний хажууд

Түүний сэтгэл рүү
Түгшиж догдолж өнгийхдөө
Түнэр харанхуй ертөнцийн гүн рүү
Түлхүүлчих юм шиг санагдсан
Гэтэл ...

Өнгийж харахдаа би
Өөрийгөө гэнэт ширтсэн ...
Сэтгэл доторхи толиноос чинь
Итгэл минь надруу инээмсэлсэн ...
Шивнэж хэлсэн үгэнд чинь эргэлзэж
Сэтгэл рүү чинь өнгийсөндөө харамссан...
Сэрээд нүдээ нээхээс чинь өмнө
Сэмээрхэн уруул дээр чинь үнссэн...

Уучлал чинь уруул дээр минь үлдсэн...
Уучлаарай бүсгүй минь
Өөрөө ч бас чамд хайртайгаа
Өөрийн чинь дотроос олж харлаа ...
*Би чамд хайртай* ...

2011-06-12 18:53:43