Залбирал ...
Залбирч байна. Заяа тавилангаа
мартаад зөвхөн чиний төлөө залбирч байна...
Чамайг л даатгаж , чамайг л ивээж
байвал бурханч бай чөтгөрч бай хамаагүй. Залбирч
байна... Царайг чинь хараагүй , цаашдаа ч харахгүй ч байж мэднэ. Намайг
хайрлахгүй , магадгүй үзэн яддаг эсвэл бүр ор тас мартсан.Гэсэн хэдий
ч чи аз жаргалтай сайн сайхан байх ёстой... Энэ бол чиний төлөө
миний залбирал...
"Түүнийг минь өглөө бүр
Чихэнд нь аз жаргал шивнэж
сэрээ
Үүрийн гэгээ минь,
Түүнийг минь л эрүүл энх байлгаж өг!
Хаврын салхи, Зуны нар, Намрын
бороо, Өвлийн жавар минь...
Хичээнгүйлэн гуйя...
Түүний минь л нүдэнд гунигийн
нулимс
Бүү хуралдаг.
Түүний минь л царайд он цагийн
үрчлээ
Бүү сууг.
Наминчлан гуйя...
Чин хайр сэтгэл
түүнийг минь л
Үргэлж тойрог...
Инээд цацарсан дуу
Үргэлж түүнээс минь
сонсогдог...
Хичээнгүйлэн дахин гуйя...
Ивээгч бүхэн минь
Харин хар хорын , муу муухай бүхэн
Халдаж чадахааргүй хол бай
Түүнээс минь...
Айдас , ёр, хуурамч бүхэн
Холдож зайл түүнээс минь...
Энэ хорвоо дээр түүнд минь л
Бүү ойрт...
Эс тэгвэл намайг
оронд нь ээр...
Муу муухай бүхэн минь
Наминчлан гуйя ...
Та бүхнээс
Түүнд минь л бүү ойрт... "
2009-03-23
No comments:
Post a Comment